مراجعة Itel P36 Pro – أفضل موبايل ممكن تشتريه من الفئه الاقتصاديه بمميزات كتير ب 1500 جنيه!
المراجعة بتاعت النهارده على موبايل Itel P36 Pro واللي بيجي يعالج النواقص اللي وضحتها ليكم فوق وسعرة مش فارق كتير .. فا النهارده هنراجعه وهنشوف هل ممكن تقدر تعتمد عليه كموبايلك الأساسي بالسعر الإقتصادي ده ولا لأ .. وهل عالج فعلًا النواقص والعيوب اللي كانت موجوده في P36 بفرق السعر البسيط ده ولا لأ ؟!
مواصفات الهاتف Itel P36 Pro _
- موبايل P36 Pro بيجي بتصميم من البلاستيك بالكامل .. شيء طبيعي في الفئة دي .. وعمومًا مُستخدم الفئة الإقتصادية بيهمه أكتر شكل التصميم .. وهنا شكل التصميم مُحترم جدًا فيه تدرج على اللون مع إنعكاسات بسيطة للضوء .. تصميم شيك جدًا بصراحة.
- الموبايل وزنه حوالي 195 جرام مع تخانة 8.6 مللم .. الحجم والوزن مقبولين جدًا والمسكة في الإيد سهلة ومُريحة.
- شاشة كبيرة بتيجي بحجم 6.5 بوصة من نوع IPS LCD بدقة HD+ .. والشاشة فيها نوتش صغير Water Drop موجود فيه الكاميرا السيلفي.
- الموبايل هنا جاي بمعالج ثماني النواة بتكنولوجيا 28 نانو من شركة يونيسوك .. وإسم المعالج SC9863A.
- الموبايل فيه بصمة في الظهر .. غاطسة جوا الظهر شوية علشان تميزها بسهولة، والبصمة أدائها مُرضي جدًا .. والـFace Unlock كمان سرعته مقبولة جدًا .. وعوامل الأمان هنا أسرع بفرق واضح عن النسخة العادية.
- البطارية في موبايل الـItel P36 Pro بتيجي بحجم 5000 مللي أمبير زي النسخة العادية بالظبط .. هتستحمل معاك نفس الوقت تقريبا .. حوالي 8 ساعات شاشة مفتوحة وده وقت مرضي جدًا في الفئة ديه.
- الكاميرا الخلفية ثُنائية .. الأساسية 13 ميجا بيكسل والتانية للذكاء الصناعي .. والسيلفي بتيجي بدقة 8 ميجا بيكسل .. والسوفت وير هنا فعلًا فيه ذكاء إصطناعي، مش زي النسخة العادية.
سعر الموبايل :-
سعر الموبايل الرسمي 1500 جنية للنسخة 32 جيجا مع 2 جيجا رام.
