أغلاق

مراجعة Xiaomi Redmi 9A – موبايل إقتصادي بس خطير !

كتابة ahmed ebrahem بتاريخ : 14 أغسطس 2020 - آخر تحديث: 15 سبتمبر 2020
مراجعة Xiaomi Redmi 9A – موبايل إقتصادي بس خطير !

بعد النجاح الكبير لموبايل Redmi 9 .. واللي بالمناسبة فعلًا موبايل كويس جدًا .. واللي بيسأل عليه لحد دلوقتي أخباره إيه بعد فتره من الإستخدام فهو مُمتاز جدًا ويمكن في وجه نظري أحسن من الـRedmi Note 9 ومُستقر أكتر منه.

 

المهم .. شاومي قالت تهتم أكتر بالفئة الإقتصادية وتنزل أصغر فرد في عائلة الريدمي وهو الـRedmi 9A .. وعلشان ابقى صريح معاك .. الريدمي 9A مُختلف إختلاف كبير عن الريدمي 9 .. وبرده سعره أقل كتير .. فخلينا نشوف كده موقف الـRedmi 9A بالنسبة لسعره .. هل فيه مشاكل جوهريه .. هل هو أفضل موبايل بـ1600 جنية ؟

سعر الموبايل :-

سعر الموبايل الرسمي للنسخة الوحيدة المتوفرة منه بمساحة تخزين 32 جيجا مع 2 جيجا رام بسعر 1599 جنية مصري.

مواصفات هاتفRedmi 9A :

  • للأسف مفيش بصمة في الظهر .. والإعتماد على الـFace Unlock .. ويدوبك سرعته مقبولة .. مش طيارة ولكن مقبوله .. والموبايل مفهوش لمبة إشعارات ولا في بديل ليها.
  • الكاميرا مش بارزه جامدة عن جسم الموبايل فمتقلقش من القصة ديه .. والموبايل كبير شوية وزنه 196 جرام وتخانه 9 ملم .. مش صغير خالص .. ومحتاج شوية على ما تتعود عليه.
  • شاشة بحجم 6.53 بوصة من نوع IPS LCD بدقة HD+ .. والسيلفي موجود في نوتش في الشاشة .. والحواف حوالين الشاشة مش صغيرة .. ولكن مش الكبيرة أوي يعني .. أقدر أقول مقبوله بسعر الموبايل.
  • التصميم من البلاستيك وعلشان الموبايل معهوش جراب في العلبة .. فهتلاقي في تجزيعة بسيطة كده في الظهر هتسمع صوتها لما تمشي بإيدك عليه .. ودي علشان ميتخربش بسهولة.
  • الموبايل جاي بمعالج جديد أول مره أجربه وهو الميدياتيك Helio G25 بمعمارية 12 نانو .. هختصر عليك وقت .. ده يعتبر هو هو الـHelio P25 .. الفرق بس في سرعة تردد الأنوية حاجة بسيطة .. إنما نفس المعمارية ونفس المعالج الرسومي.
  • بطارية ضخمة بتيجي بحجم 5000 مللي أمبير .. حرفيًا مش هتعرف تخلصها .. هتكمل معاك 10 ساعات وأكتر شاشة مفتوحة.
  • كاميرا خلفية واحدة بدقة 13 ميجا بيكسل بفتحة عدسة F/2.2 وكاميرا أمامية بدقة 5 ميجا بيكسل بفتحة عدسة F/2.2 .. ومفيش Night Mode في ابلكيشن الكاميرا بتاع شاومي.
  • السيلفي برده نفس الكلام على الكاميرا الخلفية هقوله في السيلفي .. لو الإضاءة عالية هتاخد صور مقبولة .. اه مش أحسن لون بشرة ولكن مجملًا الصور بتطلع شارب وفيها بعض التفاصيل .. بس لما الإضاءة بتقل الوضع بيبقى مش حلو خالص.

مميزات Redmi 9A :

  • أقوى معالج في الفئة دي
    بأداء عادي وواجهة تقيلة
  • بطارية قوية وبتقعد وقت طويل
  • شاشة مقبولة جدًا
  • أحدث سوفت وير من شاومي

عيوب Redmi 9A :

  • مفيش بصمة إصبع
  • مفيش جراب في العلبة
  • مفيش مايكروفون عزل ضوضاء
  • الواجهة تقيلة جدًا
  • منفذ الشحن الـmicroUSB 2.0

العيوب دي لما قارنته باللي معاه في فئته السعرية .. زي الـHuawei Y5p والـInfinix Hot 9 والـNokia 3.2 .. وكنت اتمنى وجود بصمة الإصبع في الموبايل ده.

الفرق بين Redmi 9A و Redmi 9 :

  • معالج أقل بفرق ضخم
  • بطارية لا تدعم الشحن السريع
  • دقة شاشة أقل
  • درجة علو الصوت أقل
  • التصميم الخارجي أقل
  • اداء كاميرات اقل
  • مفيش مستشعر بصمة
  • مفيش مستشعر الـIR Blaster
  • مفيش مايكروفون اضافي لعزل الضوضاء

وطبعًا في فرق حوالي 650 جنية مصري عن الـRedmi 9 .. وطبعًا لو تقدر تزود الميزانية وتوصل للـRedmi 9 اعمل كده وهاته طبعًا .. هيكون إختيار مُمتاز جدًا وهتتبسط بيه جدًا.

 

انت رائع ! كن ايجابيا وضع بصمتك بمشاركة الموضوع
هل كان المقال مفيداً؟
نعم لا
اجعل تعليقك بناء
رائع جدا !
X
هل لديك مقترحات لتحسين تجربتك أكثر؟
الإسم *
بريدك الإلكتروني *
إرسال
إرسال